GNU/Linux, o cenciellamente Linux, ye una alternativa a Microsoft Windows. Ye de fácil usu y da muncha más llibertá a los usuarios. Tol mundu pue instalalu: Linux ye llibre, y davezu obtiénse de baldre.
Visita http://getgnulinux.org/ast/
El trabayu ta ehí fuera…
… Sali a topalu mangante!
Cómo instalar Libreoffice 3.5 n’Ubuntu (Bonus track….y Windows)
Si yes de los que nun t’aguantes por instalar Libreoffice 3.5, equí vos pongo cómo instalalu rápidamente n’Ubuntu. (Si nun tienes tanta priesa, lo meyor ye qu’esperes a los anovamientos automáticos que t’unviará Ubuntu nunos díes). Esta versión de Libreoffice, vien mui depurada, (quitáron-y munchísimes llinies de códigu redundante) lo que la fai más llixera que la versión anterior, y nel casu del asturianu, vien con traducciones meyoraes y/o correxíes. Pero vamos al turrón… (sigui lleendo)…
Pa instalalu en Ubuntu, abri la terminal y lo primero vamos desaniciar la versión anterior. Pa ello:
sudo apt-get purge libreoffice*
NOTA: Si lo qu’usabes hasta agora yera OpenOffice, entós:
sudo apt-get purge openoffice*
Agora descargamos los paquetes necesarios:
cd
wget http://download.documentfoundation.org/libreoffice/stable/3.5.0/deb/x86/LibO_3.5.0_Linux_x86_install-deb_en-US.tar.gz
wget http://download.documentfoundation.org/libreoffice/stable/3.5.0/deb/x86/LibO_3.5.0_Linux_x86_langpack-deb_ast.tar.gz
Descomprimimos los ficheros:
tar xzvf LibO_3.5.0_Linux_x86_install-deb_en-US.tar.gz
tar xzvf LibO_3.5.0_Linux_x86_langpack-deb_ast.tar.gz
Y agora instalámoslos:
cd
cd LibO_3.5.0rc3_Linux_x86_install-deb_en-US/DEBS/
sudo dpkg -i *.deb
cd desktop-integration
sudo dpkg -i *.deb
cd
cd LibO_3.5.0rc3_Linux_x86_langpack-deb_ast/DEBS/
sudo dpkg -i *.deb
Y pista.
Bonus track: Windows
Descargáis esti ficheru
Executáislu, y cuando llegáis a esti puntu, escoyéis “Personalizada”
y llueu, nel pasu siguiente esbilláis la opción que se ve na imaxe.
La primer vegada que lu abrís, apaecerá en castellanu, porque casi seguro que’l programa deteuta que’l Windows ta en castellanu. Entós vais a “Herramientas–>Opciones..–>Configuración de idioma—>Idiomas” Y en “Interfaz del usuario“, esbilláis “Asturianu” y Aceutáis. Zarráis y volvéis a executar LibreOffice.
P.D. Los qu’usáis Mac, nun sé dicivos cómo será la instalación, pero casi seguro mui asemeyada a lo anterior.
Plugin Calendariu n’asturianu
Como prometí, equí vos dexo’l plugin (realmente ye un script) pa poder facer los vuestros calendarios.
Lo primero ye descargar el script dende equí. Descomprimís y apaecerá un ficheru denomáu sg-calendar_2.scm Esti ficheru hai que metelu dientro de la carpeta oculta: /home/el-to-nome-usuariu/.gimp-2.6/scripts (Nota: pa ver les carpetes ocultes, CTRL+H 
)
Agora abrimos el GIMP, y abrimos la imaxe a la que-y queremos amestar el calendariu. Vamos a Filtros–>Renderizáu—>Calendariu mensual ó Calendariu añal,
..y abriráse esta ventana.
Ehí escoyéis el mes, l’añu, seleicionáis el tamañu de la fonte, y les opciones que vos presten. El color de los númberos, será el que tengáis definíu en GIMP (la opción nun esiste na ventana), pero sí tenéis la opción de camudar el color del borde. IMPORTANTE: la caxella “Domingu, primer día de la selmana” meyor nun la marcáis, porque fadrá que’l calendariu se xenere al sistema inglés, allugando al domingu como primer día.
Cuando tengáis les opciones esbillaes, calcáis en Aceutar.
Agora lo que nos queda ye personalizar el cuadru del calendariu que nos apaez. A mí préstame quitar les barres horizontales y verticales, llueu escalo el restu del calendariu, y desplázolu au más me preste. Pa quitar la rexella del calendariu, vamos a Capes:
Ocultamos la capa correspondiente:
Y escalamos la otra capa (Febreru, 2012) y allugámosla onde queramos. Resultáu:
El script ye una modificación fecha por Saul Goode. Cualquiera que se tenga puesto a facer un calendariu por sí solu en GIMP, daráse cuenta de la cantidá de trabayu que quita esti script
